شكيت بمراتي بس اللي اكتشفته عنها ..

وانا قاعد جنب مراتى بعد اسبوع من الجواز تليفونها رن، التليفون كان على المنضده والرنه طولت ومراتى محركتش ايدها تاخد التليفون ولما لاحظت انى ببص على الفون سحبته وبصت فى الرقم ومردتش
بسألها مردتيش ليه؟
قالت رقم غريب وانا مش برد على أرقام مش متسجله عندى بس وشها كان متغير شويه
قلت بهزار طيب كنت ادينى انا ارد عليه؟
مراتى قالت نسيت !!
على الساعه ٦ المغرب قلت لمراتى انا هخرج بقا صحابى منتظرنى على القهوه!

مراتى قالت اوك لكن متتأخرش؟

حاضر مش هتأخر يا روحى، غيرت هىدومى وخرجت وصلت الشارع تحت وافتكرت انى نسيت المحفظه
اتصلت بمراتى ترميها لى من البلكونه بدل ما اطلع السلم  لفوق
ورقمها كان انتظار، متعود لما مراتى تكون انتظار بتعاود الاتصال بيا كمان لحظه
واستنيت فى مكانى لكن مراتى متصلتش
اتصلت بيها تانى وفونها كان لسه انتظار، اتعصبت الصراحه وطلعت السلم بنفخ بغضب
خبطت على باب الشىقه بعتف ولاحظت ان الباب مقفول من جوه بالمفتاح لما مراتى وصلت

مراتى فتحت الباب بوش مخطوف، بقلها انا برن عليكى مش بتردي ليه؟
مراتى قالت مخدتش بالى والله انا اسفه
كنتى بتكلمى مين؟
قالت  كنت بكلم ماما
مشفتيش المحفظه بتاعتى؟ قلت وانا داخل غرفة النىوم ادور عليها
ومراتى دخلت فى رجليه، خدت المحفظه وخرجت
عادى مفيش اى حاجه فى بالى ووصلت القهوه مراتى كلمتنى وحسيت انها بتتأكد أنى فى القهوه ودا امر آثار استغرابى
قلتلها اه انا فى القهوه مش هتأخر متقلقيش وتلهيت فى لعب الضمنه
والوقت مر اكتر من ساعتين لما شفت الوقت قلتلهم طيب يا جماعه انا اتأخرت لازم اروح

اتصلت بمراتى اسألها ان كانت عايزه حاجه من بره وانا راجع وكان تليفونها انتظار لكن المره دى ردت عليه بسرعه
قلتلها انا راجع فى الطريق، قالت ترجع بالسلامه
رجعت البيت اتعشينا واستعدينا للنىوم ويدوبك نمنا وتليفون مراتى رن
بقلها شوفى مين بيتصل دلوقتى
صفحة الكاتب على الفيس بوك باسم اسماعيل موسى
اتعدلت مراتى جنبى وبصت فى الفون وكنسلت رقم غريب تانى؟
قالت ايوه
لا بقا دا لازم واحد بيعاكس ادينى الرقم ده؟
خدت التليفون منها وطلبت الرقم كان فيه كول تون دينى دعاء

يتبع

##لاكسا

                ٢

انتظرت لأخر الرنه ومكنش فيه رد، بصيت لمراتى يمكن حد يعرفك ورقمه مش مسجل عندك؟  صديقه مثلآ؟
مراتى قالت معرفش الصراحه دا احتمال وارد

طيب انا عندى حل، هاتى تليفونك ارن على الرقم لو كانت واحده صاحبتك اكيد هترد؟

مراتى قالت اه وماله، اتفضل، طلبت الرقم من تليفون مراتى ومكنش فيه رد كمان
مراتى سألتنى ها حد رد؟
لا مفيش؟

مراتى قالت كبر دماغك يلا ننام ___

ونمت، دماغى مشغول شويه ،  إذآ كان شخص مش عايز يكملك ، ليه يدوش دماغه ويتصل بيك ؟

وقعدت اتملل فى نىومتى، عايز انام ومش قادر وحسيت ان مراتى كمان مش نايمه رغم أنها كانت بتحاول تتظاهر بالنىوم

قمت من على السىرير وطلعت على الصاله عملت كوباية شاى وولعت سيجاره والرقم قدامى وتليفون مراتى كان لسه فى ايدى
وطلعت فى دماغى فكره شبطانيه
وبعت رساله مين معايا من رقم مراتى؟

وقعدت ادخن السيجاره وانا منتظر الرد وكان التليفون مات ولا حاجه حصلت

وفى لحظة وفاء نادر ما تجتاحنى لومت نفسى وأنبتها، انت ازاى تعمل كده يا اخى؟
مسحت الرساله من الصادر وخلصت السجاره ودخلت غرفتى نمت

فتحت عنيه الساعه سته ونص ومراتى كانت فى المطبخ بتحضر الفطار قبل ما انزل الشغل
صبحت عليها ودخلت خدت شاور وغيرت هىدومى وقعدنا نفطر ولاحظت ان زوجتى سعيده اكثر من العادى
وانا وجنتيها حمر تكاد تفر من خدها، وسألتنى انت اتأخرت امبارح فى الصاله؟
قلتلها لا، دخنت سيجاره ودخلت نمت على طول
وضحكت مراتى ضحكه غريبه مستفزه بايخه لم تمر على دون أن الحظها كأن شخص يخبرك انا اعرف ما فعلته

سألتها ليه فيه حاجه؟
قالت لا ابدآ اصل حسيتك قومت من جنبى ونمت قبل ما ترجع

وقفت قدام المرايه اعاين نفسي قبل ما اخرج ومراتى حىضنتنى من ضهرى وقبلت عنقى كالعاده وسرت فى جسدى رعىشة رجوليه مباغته

وفجأه سألتها ممكن تليفونك لحظه؟
وشعرت برعىشة جسدها فوق ظهرى، رعىشه خفيفه تكاد لا تكون ملحوظه
فيه حاجه؟
قلت لا هبص على حاجه بس

خدت التليفون تصفحت الرسايل بسرعه كأنى ببص على الصور وانا بضحك عادى، يلا هروح الشغل بقا عايزه حاجه وانا راجع

لا، قالتها زوجتى بعبوس كأنها فقدت كل الفرحه التى شفتها فيها من دقيقه
حاجه جوايه قالتلى ان فيه  شيء مش طبيعى  وكعادتى امنح الفرص قبل أن

قلت بلا داعى سمر فيه حاجه عايزه تقوليلى عليها قبل ما انزل؟
وقالت سمر، حاجه؟ حاجة ايه؟ لا مفيش حاجه، عايزه سلامتك

نزلت الشغل وحاولت امحى الشك من عقلى، الشك اول ما يدخل اى عىلاقه بيذمرها خاصه بين اى زوجين
وعدى اليوم بطوله فى الشغل وانا مروح رنيت على الرقم دا تانى
والخط اتفتح لعشرين ثانيه وانا بقول الو، الو ومسمعتش اى رد

اتصلت تانى الخط اتقفل